антонийо гутеррес: «биз буниңдин кейинки йуқумға тәййар әмәсмиз»
бирләшкән дөләтләр тәшкилати баш катипи антонийо гутеррес 19-ковид йуқумидин керәклик савақларни елиш керәкликини әскәртип, «биз буниңдин кейинки йуқумға тәййар әмәсмиз» деди.
түркийә авази радийоси хәвири: б д т баш катипи гутеррес: «хәлқара йуқумға тәййарлиқ күни» мунасивити билән йазма байанат елан қилди.
гутеррес 19-ковид ға әмдиликтә хәлқара сәһийә саһәсидә илгирикидәк әстайидил муамилә қилинмайватқанлиқини, әмма 19-ковид ниң бузғунчилиқ тәсириниң һазирму давамлишиватқанлиқини тәкитләп, йуқумниң иқтисадий тәсириниңму давамлишиватқанлиқини ейтти.
гутеррес нурғунлиған сәһийә системисиниң еғир хирисларға қарши күрәш қилғанлиқини вә тәрәққий қиливатқан дөләтләрдә милйонлиған кишиләрниң техичә ваксинаға еришәлмәйватқанлиқини билдүрди.
гутеррес: «кейин йәнә йуқум көрүлгәндә биз чоқум техиму йахшисини қилалишимиз лазим. әмма, биз буниңдин кейнки йуқумға тәййар әмәсмиз» деди вә 19-ковид йуқумидин керәклик савақларни елиш вә шуниңға асасән һәрикәт қилиш керәкликини тәкитлиди.
гутеррес дунйадики вирусларни контроллуқ астида тутуш, сәһийә системисини күчәйтиш вә хәлқаралиқ сағламлиқ капалитини бәрпа қилиш үчүн өзара һәмкарлишиш керәкликини билдүрүп, бай дөләтләрниң имканлири билән давалашни контрол қилишни әмәлгә ашуруш вә пәрвасизларчә күтүш хаһишидин ваз кечиш керәкликини тәкитлиди.
б д т омумий кеңиши 2020 - йили 27 - декабирда 19-ковид йуқумидин керәклик савақларни елиш вә кәлгүсидә оттуриға чиқидиған йуқумларға тәййарлиқ қилиш тоғрисида қарар мақуллиған иди.
бу қарарға асасән 27 - декабир «хәлқара йуқумға тәййарлиқ қилиш күни» дәп елан қилинған иди.
