һамасниң һуҗум пилани исираилийә ички истихбаратиға йәткүзүлгән
исираилийә «12-қанал» телевизийәси һамасниң йом киппур байримидин кейин һуҗум қилишқа тәййарлиқ қиливатқанлиқи тоғрисидики «ениқ учурлар» ниң ички истихбарат идариси шин бет (шабақ) кә 7-өктәбир (2023) дин илгири йәткүзүлгәнликини хәвәр қилди.
түркийә авази радийоси хәвири: исираилийә «12-қанал» телевизийәси һамасниң өктәбир (2023) ниң башлирида кәң көләмлик һуҗум қилишни пиланлиғанлиқиға мунасивәтлик «ениқ учурлар» ниң ички истихбарат идариси шин беткә йаз айлиридила йәткүзүлгәнликини хәвәр қилди.
хәвәрдә, шин беткә йәткүзүлгән учурларда һамасниң 24-25-сентәбирдики йом киппур байримидин кейинки бир һәптә ичидә чоң һәрикәт пиланлаватқанлиқи ениқ оттуриға қойулған, әмма һуҗум вақтиниң йеқинлишишиға әгишип техиму көп учурларниң болидиғанлиқини пәрәз қилинип, йуқири дәриҗилик әмәлдарларға йәткүзүлмигәнлики байан қилинди.
шин бет мәсуллириниң елип берилған тәкшүрүшләрдә истихбарат учурлирини тоғрилайдиған һечқандақ мәлуматниң йоқлуқини илгири сүргәнлики қәйт қилинди.
шин бетниң «12-қанал» телевизийәсиниң хәвиригә қарита байанат елан қилған байанатида, «һазир диққитимизни урушқа мәркәзләштүрүватимиз» дейилди.
байанатта, шин бетниң тәкшүрүшкә вә савақ елишқа пайдилиқ кәң даирилик учурларни топлашқа тәййар икәнлики؛ бу сәвәбтин қолидики барлиқ учурларниң тәкшүрүлидиғанлиқи әскәртилди.
һамасниң һәрбий қанити болған қассам биригадилири 7-өктәбир (2023) «әқса топани» намлиқ кәң көләмлик һуҗум башлиғанлиқини елан қилған иди.
исираилийә армийәсиму буниңға җавабән «төмүр қилич һәрикити» ни башлиғанлиқини елан қилған иди.
күнсери кәскинләшкән тоқунушларда, 21 миң 100дин артуқ пәләстинлик җенидин айрилди.
