исраилийә әскәрлири ғәрбий қирғақтики пәләстинликләрни зәрбә обйекти қилишни давамлаштурмақта

түркийә авази радийоси хәвири: исраилийә әскәрлириниң тулкәрм шәһиридики бастуруп кириш һәрикити җәрйанида тоқунуш йүз берип, алтә пәләстинлик җенидин айрилди.

исраилийә әскәрлири әлхәлил шәһиридиму пәләстинликләргә қаритип оқ чиқирип, икки кишиниң җениға замин болди.

7 – өктәбир (2023) дин буйан ишғал астидики ғәрбий қирғақ вә шәрқий қуддуста өлтүрүлгән пәләстинликләр сани 305 кә йәтти.

исраилийә әскәрлири ғәрбий қирғақниң шималиға җайлашқан нур шәмс мусапирлар лагериға һәрбий аптомобил вә топа иттириш машинилири билән бастуруп кирди, вәқә җәрйанида бир бинани бомбардиман қилди. лагердики пәләстинликләрниң мал-мүлүклирини зийанға учратти, ул- әслиһәләрни вәйран қилип ташлиди.

исраилийә әскәрлириниң пәләстинликләрни назарәт астиға елиш һәрикәтлириму давам қилмақта. исраилийәликләр бу қетим бәйтуллаһимниң җәнубидики бәйт фуҗҗар вә һадр базарлири билән аида мусапирлар лагерида бири журналист болуп, җәмий 55 пәләстинликни тутуп кәтти.

игилинишичә, 7-өктәбирдин буйан бу районда қолға елинған пәләстинликләр сани 4785 кә йәткән.