исраилийә шеһит қилинған 80 нәпәр пәләстинликниң җәситини қайтуруп бәрди
исраилийә қисимлириниң ғәззәдики қуруқлуқ һуҗумида өлтүрүлгән вә җәсәтлири тутуп қилинған 80 нәпәр пәләстинликниң җәсити қайтуруп берилди.
түркийә авази радийоси хәвири: ғәззәдики сәһийә министирлиқи әмәлдарлири исираилийәниң һуҗумлирида җенидин айрилған кишиләрниң җәсәтлирини ғәззә райониниң шәрқий җәнубидики кәрм әбу салим чегра еғизидин тапшурувалди.
ғәззәдики вәхпә ишлири министирлиқи 80 җәсәтни қәбристанлиққа дәпнә қилиш вәзиписини өз үстигә алди.
ғәззәдики әбу йүсүп әл нәҗҗар дохтурханисиниң мудири мәрван әл һамс бирләшкән дөләтләр тәшкилатиниң 80 җәсәтниң ғәззәгә әвәтилидиғанлиқи һәққидә өзлиригә мәлумат берилгәнликини билдүргән иди.
мәрван әл һамс: «нәччә онлиған шеһитниң җәсити бир контенерға қачиланған һалда кәлди. җәсәтләрниң бәзилири толуқ, йәнә бәзилириниң пәқәт пут-қоллирила бар иди. бәзи җәсәтләр чирип кәткән әһвалда иди» деди.
һамасниң һәрбий қанити қассам биригадилири 7-өктәбир (2023) дә исраилийәгә қарши «әқса топани» намлиқ кәң көләмлик һуҗум қозғиғанлиқини елан қилған вә буниңға қарита исраилийә қисимлири уруш айропиланлири билән ғәззә районини вәһшийләрчә бомбардиман қилип, «төмүр қилич һәрикити» ни башлиғанлиқини җакарлиған иди.
күнсери күчийиватқан тоқунушларда 20 миң 900 дин артуқ пәләстинлик өлтүрүлди.
