фирансийәдә көчмәнләр қануниға қарши намайиш өткүзүлди

түркийә авази радийоси хәвири: намайишчилар пайтәхт париждики җумһурийәт мәйданиға йиғилди؛ көп санда йашлар билән көчмәнләр қатнашқан намайишта «көчмәнләр билән һәмнәпәс бол» дәп шоарлар товланди.

намайишчилар «ирқчилиқ» характеригә игә, дәп қариған мәзкур қанун лайиһәсини көчмәнләр вә теги көчмән фирансийәликләргә мунасивәтлик қанунларни чиңитти, дәп тәнқид қилди.

һөкүмәтниң ашқун оңчилларниң қоллиши билән парламентниң мақуллуқидин өткүзүлгән қанун лайиһәсидин ваз кечишини тәләп қилған намайишчилар, «көчмәнләрни қарши алимиз» вә «әркинлик» дегән хәтләр йезилған пилакатларни көтүрүп маңди.

бәзи намайишчилар уссул ойнаш вә нахша ейтиш арқилиқ ички ишлар министири гералд дарманин ақлиған көчмәнләр қанун лайиһәсигә наразилиқ билдүрди.

бу һәптә буниңдин бурунму фирансийәликләр дөләтниң лион, тулус қатарлиқ охшимиған шәһәрлиридә бу қанун лайиһәсигә наразилиқ билдүрүп намайиш өткүзгәниди.