خىتايدىكى يەر تەۋرەشتە ئۆلگەنلەرن ھەققىدە يېڭى رەقەم ئېلان قىلىندى

تۈركىيە ئاۋازى رادىيوسى خەۋىرى: يەرلىك ھۆكۈمەتلەرنىڭ ئېلان قىلغان باياناتلىرىغا ئاساسلانغاندا، گەنسۇ ئۆلكىسىدە 117، چىڭخەي ئۆلكىسىدە 31 كىشى ئۆلگەن.

خىتاي يەر تەۋرەش تورى مەركىزى 18-دېكابىر يېرىم كېچىدە تەۋرەش مەركىزى جىشىشەن باۋئەن دوڭشىياڭ ۋە سالار ئاپتونوم ناھىيەسىدە 6.2 بال يەر تەۋرىگەنلىكىنى ئېلان قىلغان ئىدى.

ئىككى ئۆلكىنىڭ چېگراسىغا يېقىن رايوندا يەر تەۋرەش سەۋەبىدىن نۇرغۇن ئۆيلەر يىقىلىپ چۈشكەن، سۇ، ئېلېكتر، قاتناش ۋە خەۋەرلىشىش ئەسلىھەلىرى زىيانغا ئۇچرىغان.

يەر تەۋرەشتە مىڭدىن ئارتۇق كىشى يارىلانغان بولۇپ، 87مىڭدىن ئارتۇق كىشى بىخەتەر جايلارغا تارقاقلاشتۇرۇلغان. رايوندا ھاۋا تېمپېراتۇراسىنىڭ 0 دىن تۆۋەن گىرادۇسقىچە چۈشۈشىنىڭ، ئىزدەش-قۇتقۇزۇش خىزمەتلىرىنى قىيىنلاشتۇرۇۋاتقانلىقى بىلدۈرۈلمەكتە.