ئورباننىڭ ئۇچۇرى ھەممىنى كۈلۈمسىرەتتى

تۈركىيە ئاۋازى رادىيوسى خەۋىرى: جۇمھۇر رەئىس ئەردوغان ۋېنگىرىيە پايتەختى بۇداپېشتتا مۇھىم ئۇچرىشىشلارنى ئۆتكۈزدى؛ ئۇ ئالدى بىلەن ۋېنگرىيەلىك مەنسەپدىشى كاتالىن نوۋاك، ئاندىن باش مىنىستىر ۋېكتور ئوربان بىلەن كۆرۈشتى.

جۇمھۇر رەئىس ئەردوغان باش مىنىستىر ئوربانغا تۈركىيەنىڭ يەرلىك ۋە مىللىي ئاپتوموبىلى — توگگنى، ئوربان ئەردوغانغا بىر ۋېنگىر ئېتى سوۋغا قىلدى.

ئۆزئارا ئىلتىپاتلاردىن كېيىن، ۋېنگىرىيە باش مىنىستىرى ئورباننىڭ ئىجتىمائىي تاراتقۇدىكى «بۇ مېنىڭ ھازىرغىچە تۈزگەن ئەڭ ياخشى كېلىشىمىم. بىر ئات كۈچى بەدىلىگە 435 ئات كۈچى قولغا كەلتۈردۈم» دېگەن ئۇچۇرى ئوقۇرمەنلەرنى كۈلۈمسىرەتتى.