исраилийә қисимлири ғәрбий қирғақта 26 йашлиқ бир пәләстинликни етип өлтүрди
исраилийә қисимлири ишғалийәт астидики ғәрбий қирғаққа тәвә әлхәлил шәһиридә 26 йашлиқ бир пәләстинликни етип өлтүрди.
түркийә авази радйоси хәвири: пәләстинниң рәсмий хәвәр агентлиқи <WAFA> ниң хәвиригә асасланғанда, исраилийә қисимлири әлхәлил шәһириниң дора районида 26 йашлиқ сари йүсүп абдулқадир әмрниң өйигә бесип киргән.
исраилийә әскәрлири өйигә бесип кириш җәрйанида сари йүсүп абдулқадир әмрни етип өлтүргән.
дадиси йүсүп әмр исраилийә әскәрлириниң оғлини өйниң ичидә атқанлиқини вә еғир йарилинип қан йетйишмәйватқан оғлиға һечкимниң арилишишиға йол қоймиғанлиқини билдүрди.
дадиси йүсүп әмр иниси суһәйб билән сари әмрниң йаридар һаләттә тутуп кетилгәнликини тәкитләп, исраилийә әскәрлириниң бесип кириш җәрйанида өйни вәйран қилғанлиқини вә қайтидиған чеғидиму икки аптомобилинии мусадирә қилғанлиқини ейтти.
дада амр исраилийә қисимлириниң йәнә өйдики 400 миң шекел (тәхминән 108 миң доллар) нәқ пул вә банка чәклириниму елип кәткәнликини билдүрди.
