ئىسىرائىلىيە غەززە ھۇجۇمىنى قايتا باشلىدى

تۈركىيە ئاۋازى رادىيوسى خەۋىرى: ئىسىرائىلىيە بىلەن ھاماس ئوتتۇرىسىدا تۈزۈلگەن كېلىشىم رامكىسىدا 24-نويابىر (2023) ئەتىگەندىن باشلاپ ئىجرا قىلىنغان «ئىنسانپەرۋەرلىك نۇقتىسىدىن ۋاقىتلىق ئۇرۇش توختىتىش»، بۈگۈن (1-دېكابىر) ئەتىگەن ئاخىرلاشتى.

ئىسىرائىلىيە ئارمىيەسىنىڭ يازما باياناتىدا، ھاماسنىڭ «ئىنسانپەرۋەرلىك نۇقتىسىدىن ۋاقىتلىق ئۇرۇش توختىتىشقا خىلاپلىق قىلغانلىقى» ئىلگىرى سۈرۈلدى ۋە «ئىسىرائىلىيە ئارمىيەسى غەززەدە ھاماسقا قارشى ھەربىي ھەرىكەتلىرىنى قايتىدىن باشلىدى» دېيىلدى.

غەززە ئىچكى ئىشلار مىنىستىرلىقىمۇ بايانات ئېلان قىلىپ، «ئىنسانپەرۋەرلىك نۇقتىسىدىن ۋاقىتلىق ئۇرۇش توختىتىش» نىڭ ئاخىرلىشىشى بىلەن، ئىسىرائىلىيە ئايروپىلانلىرىنىڭ غەززە كۆكلىرىدە ئۇچۇشقا باشلىغانلىقىنى بىلدۈردى.

باياناتتا، ئىسىرائىلىيە ئارمىيەسىنىڭ غەززەنىڭ شىمالىنى ئوققا تۇتقانلىقى ئەسكەرتىلدى.