һерзи һаләви 7 - өктәбирдә исраилийә армийәсиниң мәғлуп болғанлиқини қайта тәкитлиди

түркийә авази радйоси хәвири: исиралийә армийә баш иштаби башлиқи һерзи һаләви ахбарат елан қилиш йиғинида күнтәртиптики мәсилиләр үстидә тохталди.

һаләви исраилийә армийәсиниң муһасирә астидики ғәззә райониға қарши йеңи һуҗумларни қилишқа тәййар икәнликини билдүрүп, «инсанпәрвәрлик нуқтисидин вақитлиқ уруш тохтитиш» келишимидин һәрбий тәййарлиқларни көздин кәчүрүвелиш үчүн пайдиланғанлиқлирини ейтти.

һаләви исраилийә армийәсиниң ғәззәдики барлиқ тутқунлар қойуп берилмигичә урушни тохтимайдиғанлиқини тәкитлиди.

һаләви исраилийә армийәсиниң һамасниң һәрбий қанити изәддин қассам биригадилириниң 7 - өктәбирдики һуҗум пилани тоғрисида ахбаратқа игә икәнликини, бирақ йуқири дәриҗилик офитсерларниң қол астидикиләрниң агаһландурушлириға асасән дегүдәк  песәнт қилмиғанлиқиға даир хәвәрләр үстидиму тохтилип, ғәззәгә қилинған һуҗумлар ахирилашқандин кейин һәммә ишниң тәкшүрүлидиғанлиқини ейтти.

һаләви һәрбий истихбарат башқармиси қатарлиқ пүткүл исраилийә армийәсиниң 7 – өктәбирдә мәғлуп болғанлиқини қайта тәкитләп, бу тоғрилиқ җиддий тәкшүрүшләрниң елип берилидиғанлиқини, әмма һазирчә ғәззәгә қаритилған һуҗумларға мәркәзлишиш керәкликини билдүрди.

һамасниң һәрбий қанити қассам биригадилири 7 - өктәбирдә исраилийәгә қарши «әқса топани» намлиқ кәң көләмлик һуҗум башлиған вә исраилийә қисимлириму буниңға қарита уруш айропиланлири билән ғәззә райониға қарши «төмүр қилич һәрикити» ни башлиғанлиқини елан қилған иди.

күнсери кәскинлишиватқан тоқунушларда,  көпинчиси кичик балилар болуп, җәмий 15 миңдин артуқ пәләстинлик өлтүрүлгән иди.