столтенберг келишим муддитини узартишни чақириқ қилди

түркийә авази радийоси хәвири: нато баш катипи столтенберг 28-29-нойабир бирйусселдики нато мәркизидә өткүзүлидиған нато ташқи ишлар министирлири йиғиндин илгири мухбирларниң соаллириға җаваб бәрди.

у һамас билән исираилийә оттурисидики келишимниң әсирләрниң қойуп берилишини вә инсанпәрвәрлик йардәмлириниң йәткүзүлишини капаләткә игә қилғанлиқини билдүрүп: «уруш тохтитиш муддитини узартишни чақириқ қилимән. бу ғәззә хәлқи еһтийаҗлиқ болған йардәмләрниң йәткүзүлишини вә техиму көп әсирләрниң қойуп берилишини капаләткә игә қилиду» деди.

у нато иттипақдашлириниң ирақ билән сүрийәгә охшаш дөләтләрдә һәрбий мәвҗутлуқи үстидә тохтилип: «ирақ билән сүрийәдики америка һәрбий базилириға учқулар вә ракеталар билән һуҗум қилинғанлиқини, сода парахотлириғиму һуҗум қилинғанлиқини көрдуқ. бу әһваллар җиддийчиликни улғайтиш хәтири барлиқини тәкитләйду. иран өзлири үчүн һәрикәт қилидиғанларни йахши контрол қилиши керәк» деди.

һамасниң һәрбий қанити қассам биригадилири 7 - өктәбир (2023) дә исраилийәгә қарши «әқса топани» намлиқ кәң көләмлик һуҗум қозғиған вә йүзлигән исраилийәликни гөрүгә елип түтүп кәткән иди.

исраилийә қисимлири буниңға қарши уруш айропиланлири билән ғәззә райониға қарита «төмүр қилич һәрикити» ни башлиғанлиқини елан қилған иди.

күнсери кәскинләшкән тоқунушларда, һәр икки тәрәптин миңларчә киши җенидин айрилди.