пакистанда терроризмға қарши күрәш һәрикити давамида сәккиз қораллиқ унсур уҗуқтурулди
пакистанниң хәйбәр пахтонхва вилайитидә дөләт хәвпсизлик күчлири билән һөкүмәткә қарши қораллиқ күчләр оттурисида йүз бәргән тоқунушта сәккиз қораллиқ унсур бир тәрәп қилинди.
2069392
түркийә авази радийоси хәвири: пакистан армийәсиниң байанатиға қариғанда, дөләт хәвпсизлик күчлири хәйбәр пахтонхва вилайитиниң җәнуби вәзиристан районида һөкүмәткә қарши қораллиқ күчләргә қарши һәрбий һәрикәт елип барған.
һәрбий һәрикәт давамида сәккиз қораллиқ унсур бир тәрәп қилинған, нурғун қорал-йарағ вә оқ-дорилар қолға чүшүрүлгән.
әмма, пакистан армийәси қораллиқ унсурларниң қайси тәшкилатқа әза икәнлики тоғрисида мәлумат бәрмигән.
бу йил (2023) пакистанда, болупму хәйбәр пахтонхва вә белучистан өлкилиридә террорлуқ һуҗумлири көпийип кәткән.
игилинишичә, исламабад бу һуҗумларниң афғанистанда турушлуқ пакистан талибанлири тәрипидин пиланлинип елип бериливатқанлиқини илгири сүрмәктә. афғанистан болса, бу әйибләшләрни рәт қилмақта.
