исраилийә армийәси ғәззәдики дохтурханилар тоғрисида байанат елан қилди
исраилийә армийәси байанатчиси хагари күндилик мухбирларни күтүвелиш йиғинида, исраилийәниң ғәззәгә қаратқан һуҗумлири тоғрисида тохталди.
түркийә авази радийоси хәвири: исраилийә армийәси байанатчиси даниел хагари «һамасниң һәрбий қанити болған иззуддин қәссам биригадисиниң ғәззә дохтурханилирини һәрбий ишларға ишләткәнлики»ни, шуңа «бу дохтурханиларниң хәлқаралиқ қоғдаш салаһийитини йоқитишиниң мумкинлики»ни илгири сүрди.
қәссам биригадисиниң ғәззәдики дохтурханиларни һәрбий ишлар үчүн ишләткәнликини илгири сүргән хагари, шуңа райондики дохтурханиларниң «хәлқара қанундики алаһидә қоғдаш салаһийитини йоқитидиғанлиқи»ни ейтти.
хагариниң бу байанатиға <7-өктәбирдин буйан давам қиливатқан һуҗумлар җәрйанида ғәззәдә бомбардиман қилған дохтурханиларниң хәлқара қоғдаш салаһийитигә игә икәнликини қобул қилиш> дәп баһа берилди.
исраилийә армийәси өткән айдин буйан давам қиливатқан һуҗумлири җәрйанида, ғәззәдики 35 дохтурханиниң 22 сини зәрбә обйекти қилди.
буниңдин башқа, исраилийә танкилири билән һәрбий қисимлири ғәззәниң шималидики бир қисим дохтурханиларни қамал қилишни давамлаштурмақта.
