йавропа русийәгә қарши 12-қетимлиқ ембаргосини йүргүзиду
йавропа иттипақиниң русийәгә қарши йүргүзүлидиған ембарго пилан лайиһәси, йавропа иттипақи комитетиниң 15-нойабир ечилидиған йиғинида елан қилиниду. йиғиндин кейин, йавропа кеңишиниң тәстиқиға сунулиду.
түркийә авази радийоси хәвири: йавропа иттипақи ташқи мунасивәтләр вә бихәтәрлик сийасити алий вәкили җосеп боррел русийәгә қарши йүргүзүлидиған ембарго пилан-лайиһә үстидә тохтилип: «12-қетимлиқ ембарго пиланиға мунасивәтлик хизмәтлиримизни ахирлаштурмақтимиз. пиланда, қара тизимликниң кеңәйтилиши, русийә алмисини өз ичигә алған мәһсулатларға екиспорт чәклимиси қойуш, нефитта баһа бекитишни техиму күчәйтиш вә ембарголарға хилаплиқ қилишқа қарши тәдбирләрни чиңитиш қатарлиқ мәсилиләрни өз ичигә алиду» деди.
блумберг агентлиқи екиспорт чәклимилириниң суварка машинилири, химийәлик маддилар, мудапиә технологийәлири вә йумталлар тоғрисида йолға қойулидиған тәдбирләрни өз ичигә алидиғанлиқини хәвәр қилған иди.
агентлиқниң хәвиридә, импорт чәклимилириниң болса, металлар, алйумин мәһсулатлири, қатнаш вә тошумичилиқ ишлирида қоллинилидиған малзимиләр билән русийә алмисиға қойулидиған тәдбирләрни өз ичигә алидиғанлиқи қәйт қилинди.
хәвәрдә билдүрүлишичә, йавропа иттипақи ембарголириниң нишани, русийәгә қарши йолға қойулған ембарголарға үчинчи дөләтниң хилаплиқ қилишиниң алдини елиш болуп, русийә бу дөләтләрдин қорал йасаш үчүн керәк болидиған парчилар, технологийә вә електронлуқ мәһсулатларни импорт қилалайдикән.
