мексикада қийин-қистақ билән өлтүрүлгән йәттә кишиниң җәсити тепилди

түркийә авази радийоси хәвири: мексика таратқулиридики хәвәрләргә асасланғанда, закетекас вилайитигә қарашлиқ лорето йезисидики бир йолда җәсәтләр байқалған.

йәткүзүлгән учурға асасән нәқ мәйданға йетип кәлгән сақчи хадимлири йолдин тепилған җәсәтләрниң, йәттә әр кишиниң җәсәтлири икәнликини ениқлиди.

мәсул даириләр, җәсәтләрдә зәрбә излириниң барлиқини вә уларниң қийин-қистақ нәтиҗисидә өлтүрүлгәнликиниң мөлчәрлиниватқанлиқини билдүрди.

җәсәтләрниң кимликини ениқлаш үчүн әдлийә дохтурханисиға әвәтилгәнлики уқтурулди.  

вәқәниң рәқип қара гуруһлар оттурисидики тоқунуштин келип чиққан болуши мумкинлики пәрәз қилинмақта.