исраилийә ийордан дәрйасиниң ғәрбий қирғиқида пәләстинликләргә тәвә 2 өйни чеқивәтти
исраилийә армийәси әтигән тәрәпләрдә ийордан дәрйасиниң ғәрбий қирғиқидики әлхәлил шәһиригә қарашлиқ дура райониға көп санда әскәрләр бесип кирип, бир қисим өйләрни қоршав астиға алди.
түркийә авази радийоси хәвири: исраилийә армийәсидин бир техника гурупписиму муһәммәд әшшәнтир вә сақир әшшәнтир исимлик пәләстинлик икки тутқунниң дура шәһиридики өйлиригә йирақтин контрол қилинидиған партилатқуч дора орунлаштуруп қойди.
йирақтин контрол қилинидиған партлатқуч дориниң партлитилиши нәтиҗисидә, охшаш бинаниң биринчи вә иккинчи қәвитидики өйләрниң тамлири өрүлүп чүшти.
буниңға наразилиқ билдүргән пәләстинликләр билән исраилийә әскәрлири оттурисида тоқунуш йүз бәрди. исраилийә әскәрлири пәләстинликләргә қарши һәқиқий вә кавчук оқлар, шундақла газ бомбилирини ишләттти, пәләстин йашлири болса уларға таш атти.
муһәммәд әшшәнтир билән сақир әшшәнтир, исраилийәлик бир айални өлтүрүш вә йәнә бирини йариландуруш җинайити билән әйиблинип, 2023-йили 8-айда тутқун қилинғаниди.
игилинишичә, исраилийә армийәси пәләстинликләрни һуҗум қилиш билән әйибләп, уларни тутқун қилиш, түрмигә ташлаш, шундақла уларниң өйлирини чеқиш билән җазаландурмақта икән.
