камала һаррис һәм зәйид әл нәһйан биләм һәм салман бин һәмәд әл хәлифә билән телефонда көрүшти

түркийә авази радйоси хәвири: ақсарайниң йазма байанатиға асасланғанда, һаррис әрәб бирләшмә хәлипилики әмири әл нәһйан вә бәһрәйн вәлиәһди шаһзадә әл хәлифә билән ғәззә вәзийити һәққидә айрим айрим телефонда сөһбәтләшкән.

һаррис икки рәһбәр билән өткүзгән сөһбитидә, , «пуқраларни қоғдаш» вә «хәлқара инсанпәрвәрлик қануниға «һөрмәт қилиш» ниң муһимлиқини тәкитләп, ғәззәдики җиддий инсанпәрвәрлик кризисини музакириләшкән.

камала һаррис һәр икки сөһбәттә, «пәләстинликләрниң мәҗбурий көчүрүлмәсликигә капаләтлик қилиш» ниң муһимлиқини оттуриға қойуп, исраилийәликләр билән пәләстинликләрниң «бихәтәрликтики баравәрлик, гүллиниш вә әркинликкә» тәң игә болуши керәкликини билдүргән.

камала һаррис американиң әрәб бирләшмә хәлипилики хәлқиниң «хатирҗәмлик вә бихәтәрлики» гә шундақла икки дөләтниң мудапиә саһәсидики шериклик мунасивитигә садиқ икәнликини әскәрткән.

һаррис әл нәһйан билән өткүзгән сөһбитидә йәнә «райондики дөләт болған йаки вә дөләт болмиған актийорларниң тәһдитини тосуш» мәсилисиниму оттуриға қойған.