пентагон уруш тохтитишни қоллимайдиғанлиқини елан қилди

түркийә авази радийоси хәвири: америка дөләт мудапиә министирлиқи байанатчиси генерал пат райдер (Pat Ryder) ахбарат елан қилиш йиғинида, мухбирларниң соаллириға җаваб бәрди.

у ғәззәдики тоқунушлар үстидә тохтилип, «һамасниң қайта әслигә келиши үчүн вақитни қолға кәлтүридиған вә исираилийә пуқралири билән башқиларни хәтәргә иттиридиған уруш тохтитишни қоллимаймиз» деди.

у сөзини давамлаштуруп мундақ деди:

«мән пирезидент җо байдинниң ғәззә райониға инсанпәрвәрлик йардими йәткүзүшни, тутқунлар вә башқа пуқраларниң қутқузулушини капаләткә игә қилиш үчүн инсанпәрвәрлик нуқтисидин уруш тохтитишни қоллиғанлиқини аңлидим. дөләт мудапиә министири остинму кәсипдашлири билән көрүшкәндә, райондики пәләстин пуқралириға инсанпәрвәрлик йардими йәткүзүшни музакирә қилғанлиқини билдүрди.»

ақсарай дөләт бихәтәрлик мәслиһәтчиси җек сулливан: «урушни һәр қандақ шәкилдә тохтитиш, һамасқа пайдилиқ. бу бир әмәлийәт. бу йәрдә нурғун мурәккәп әһваллар бар. инсанпәрвәрлик нуқтисидин уруш тохтитиш, тутқунларниң қойуп берилиши үчүн йахши болатти. әмма, һамасниңму буниңдин пайдилнидиғанлиқини билишимиз керәк» дегән иди.

һамасниң һәрбий қанити қассам биригадилири 7-өктәбир (2023) дә исраилийәгә «әқса топани» намлиқ кәң көләмлик һуҗум қозғиғанлиқини елан қилған вә буниңға қарита исраилийәму уруш айропиланлири билән ғәззә райониға қарши «төмүр қилич һәрикити» ни башлиғанлиқини җакарлиған иди.

күнсери кәскинләшкән тоқунушларда, һәр икки тәрәптин миңларчә киши җенидин айрилди.