халид бин сәлман вашингтонда лойд остин билән көрүшти
америка дөләт мудапиә министири лойд остин сәуди әрәбистан дөләт мудапиә министири халид бин сәлман билән сөһбәтлишип, икки дөләтниң мудапиә һәмкарлиқини ашуруш вә кеңәйтишни тәкитлиди.
түркийә авази радийоси хәвири: америка дөләт мудапиә министирлиқи — пентагонниң бу һәқтики йазма байанатида, министир остинниң министир бин сәлман билән америка пайтәхти вашингтонда көрүшкәнлики؛ учришишта, остинниң американиң сәуди әрәбистанни мудапиә қилиш тоғрисидики вәдисини йәнә бир қетим тәкитләп, икки дөләтниң мудапиә һәмкарлиқини күчәйтиш вә кеңәйтишниң зөрүрийитини оттуриға қойғанлиқиға ишарәт қилинди.
байанатта көрситилишичә, остин сәуди әрәбистанниң районда ойнаватқан ролиға рәһмәт ейтип, дөлитиниң сәуди әрәбистан билән райондики тәһдитләргә қарши давамлиқ һәмкарлишидиғанлиқини оттуриға қойған.
американиң исраилийәни қоллайдиғанлиқи тоғрисида сәуди әрәбистанлиқ мәнсәпдишиға мәлумат бәргән остин, американиң пуқраларни қоғдаш вә ғәззәгә инсанпәрвәрлик йардими йәткүзүш ирадисиниң қәтий икәнликини тәкитлигән.
икки министир райондики җиддийчиликниң техиму кәскинлишип кетишиниң алдини елиш үчүн, бирликтә күч чиқириш тоғрисида бирдәклик һасил қилған.
