б д т: исраилийә ғәззәгә инсанпәрвәрлик йардәм беришкә қарши чиқмақта
бирләшкән дөләтләр тәшкилати пәләстингә инсанпәрвәрлик йардәм бериш ишлири маслаштурғучиси лйин хастиң исраилийәниң ғәззә райониниң шималиға инсанпәрвәрлик йардәм буйумлириниң йәткүзүп берилишигә очуқ - ашкара һалда қарши чиқиватқанлиқини ейтти.
түркийә авази радийоси хәвири: бирләшкән дөләтләр тәшкилати җәнвә ишханисиниң һәптилик ахбарат елан қилиш йиғиниға қатнашқан хастиңс, исраилийәниң һуҗумлири астидики ғәззә районидики инсаний тирагедийә һәққидә тохтилип мундақ деди:
«исраилийә (нөвәттә тәхминән 400 миң адәм қалған) ғәззәниң шималиға инсанпәрвәрлик йардәм буйумлириниң йәткүзүп берилишигә очуқ - ашкара һалда қарши чиқмақта.»
бирләшкән дөләтләр тәшкилати пәләстин мусапирлириға йардәм бериш оргининиң баш комиссари филип лаззарини мундақ деди:
«ғәззәликләр бомбилар вә һуҗумлар сәвәбидин өлүп кетиватиду, йәнә көпинчиси пат арида ғәззә райониға қаритилған қамалниң еғир ақивәтлири нәтиҗисидә өлүп кетиду. бу қамал айаллар вә балиларни өз ичигә алған <2 милйондин артуқ адәмни коллектип җазалаш> дегән мәнини билдүриду.»
