исмаил һанийә: «ғәрб мусулман хәлқләр билән өзи оттурисиға йиқилмайдиған сеил соқти»
һамас һәрикити сийаси бейурисиниң рәиси исмаил һанийә ғәрбниң мусулман хәлқләр билән өзи оттурисиға йиқилмайдиған сеил соққанлиқини ейтти.
түркийә авази радйоси хәвири: «Quds Press» хәвәр ториниң хәвиригә асасланғанда, исмаил һанийә ахбарат елан қилиш йиғинида, кәң көләмлик қирғинчилиқни қоллаватқан ғәрб дунйасиниң инсанпәрвәрлик архипиниң инсанийәтниң хатирисидин йуйулғанлиқини әскәртти.
исмаил һанийә: « ғәрб мусулман хәлқләр билән өзи оттурисиға йиқилмайдиған сеил соқти» деди.
исмаил һанийә әрәб дөләтлири вә ислам дунйаси рәһбәрлиригә қарита: «аллаһ йолида ғәзәплинишиңлар үчүн йәнә қанчилик қирғинчилиқ вә қан лазим силәргә?» дәп соал ташлиди.
исмаил һанийә рәһбәрләрниң ғәззәдики балилар, айаллар вә йашанғанларниң бунчә қени төкүлүшигә қарши тарихий әһмийәткә игә бир позитсийә тутуши керәкликини тәкитлиди.
һанийә: «ғәрбий қирғақ үчүнму шеһитләр талуни анчә узақта әмәс» дәп агаһландурушта болди.
һамасниң һәрбий қанити қассам биригадиси 7-өктәбирдә исраилийәгә «ақса туфани» намлиқ кәң көләмлик һуҗум башлиғанлиқини елан қилған вә ғәззәдин исраилийәгә миңлиған ракетамийот етилғандин сирт қораллиқ гуруппилар олтурақ районларғичә бесип киргән иди.
исраилийә армийәсиму уруш айропиланлири билән ғәззә райониға қарши төмүр қилич һәрикитини қозғиғанлиқини елан қилған иди.
күнсери кәскинләшкән туқутушта икки тәрәптин миңлиған киши қаза қилди.
