байдин исираилийә вә украинани қоллаш үчүн конгрәдин хамчот тәләп қилиду

түркийә авази радийоси хәвири: америка пирезиденти җо байдин пирезидентлиқ ишханисида хәлққә хитаб қилип нутуқ сөзлиди.

у америка конгрәсидин тәләп қилидиған хамчотниң исираилийәниң бихәтәрлики үчүн берилгән вәдини буниңдин илгири көрүлүп бақмиған дәриҗидә испатлайдиғанлиқини билдүрүп: «бу ақиланилик билән селинидиған мәбләғ болуп, американиң  бихәтәрликигә әвладму әвлад нәп йәткүзиду »деди.

у конгрәниң мәбләғ аҗритишини тәләп қилған «бихәтәрлик тәклип лайиһәси» ниң исраилийәниң һәрбий әвзәлликини күчәйтидиғанлиқини әскәртип мундақ деди: «биз райондики башқа дүшмән күчләрниң исраилийәниң илгирикидин техиму күчлүк икәнликини көрүшини капаләткә игә қилип, тоқунушниң кеңийип кетишиниң алдини алимиз» деди.

у сөзини мундақ давамлаштурди:

«биз һамасқа охшаш террорчиларниң вә русийә пирезиденти владимир путинға охшаш мустәбитләрниң ғәлибә қилишиға йол қоймаймиз, мән буниңға йол қоймаймән» деди.

у исираилийә зийарити тоғрисидиму тохталди вә мундақ деди:

«америка һамас тәрипидин гөрүдә тутулуватқан америкалиқларниң бихәтәрликигә алдин әһмийәт бериду. тинчлиқтин ваз кәчмәймиз, мәсилини икки дөләтлик һәл қилиш чарәсидин айрилмаймиз.»

у «ғәззәдики дохтурханида йүз бәргән партлаш» тин чоңқур қайғурғанлиқлирини әскәртти вә буниң исираилийәликләр тәрипидин қилинмиғанлиқини қайта тәкитлиди.

у исираилийә баш министири нетанйаһу билән «исираилийәниң уруш қаидәлиригә уйғун» һәрикәт қилиши керәклики мәсилисиниму музакирә қилғанлиқини билдүрүп: «бу, тоқунушта имканқәдәр пуқраларни қоғдаш мәнисини билдүриду» деди.

у йәнә, алдинқи һәптә америкада алтә йашлиқ бир мусулман балиниң өлтүрүлгәнликигә инкас қайтуруп мундақ деди: «бу ишлар йүз бәргәндә биз сүкүт қилалмаймиз, биз йәһудийлар вә ислам өчмәнликини очуқ рәт қилишимиз керәк» дәп тәкитлиди.