исраилийә әскәрлири ишғалийәт астидики ғәрбий қирғақта төт пәләстинликни шеһит қилди
исраилийә әскәрлириниң ишғалийәт астидики ғәрбий қирғаққа қарашлиқ нурғун йеза, наһийәләрдә кечичә елип барған бесип кирип тутқун қилиш һәрикити җәрйанида төт пәләстинлик шеһит болуп, онлиған киши йариланди.
түркийә авази радйоси хәвири: ишғалийәт астидики ғәрбий қирғаққа қарашлиқ нурғун йеза, наһийәләр исраилийә әскәрлириниң һәр хил һуҗумлириға учриди.
рамаллаһниң будрус йезисиға қилинған һуҗумда йүз бәргән тоқунушта, бир пәләстинлик исраилийә әскәрлири тәрипидин етип өлтүрүлди. йариланған йәнә бир пәләстинлик дохтурханида даваланмақта.
исраилийә әскәрлириниң наблусқа қилған һуҗумидиму бир пәләстинлик исраилийә әскәрлири тәрипидин етип өлтүрүлди. рамаллаһта болса, бир йәһудий көчмәнниң қораллиқ һуҗуми сәвәбидин йәнә бир пәлстинлик пуқра җенидин айрилди.
нур шәмс мусапирлар лагерида йариланған 16 йашлиқ пәләстинлик өсмүрму җидди қутқузуш аптомобилиниң киришини исраилийә әскәрлири тосивалған болғачқа қан йетишмәй җидди қутқузуш аптомобилида җан үзди.
исраилийә әскәрлири ғәрбий қирғақниң охшимиған җайлирида, сабиқ парламент әзалири вә һамас мәсуллириниму өз ичигә алған 100 нәпәр пәләстинликни тутқун қилди.
пәләстин мәһбуслар җәмийити ахбарат мәсули әмани сәраханә исраилийә әскәрлириниң 7-өктәбирдин буйан ғәрбий қирғақта вә шәрқий қуддуста 850 нәпәр пәләстинликни тутқун қилғанлиқини билдүрди.
һамасниң һәрбий қанити қасссам биригадиси 7-өктәбирдә исраилийәгә «ақса туфани» намлиқ кәң көләмлик һуҗум башлиғанлиқини елан қилған вә ғәззәдин исраилийәгә миңлиған ракетамийот атқандин башқа йәнә, қораллиқ гуруппилар райондики олтурақ районларға бесип киргән иди.
исраилийә қисимлириму уруш айропилани билән ғәззә райониға қарши «төмүр қилич» һәрикитини башлиғанлиқини елан қилған иди.
күнсери кәскинлишиватқан тоқунушта һәр икки тәрәптин миңлиған киши җенидин айрилди.
