мәһмуд аббас: исраилийәниң һуҗумлириға қарши пәләстин хәлқиниң өзини мудапиә қилиш һоқуқи бар
пәләстин пирезиденти мәһмуд аббас исраилийәниң һуҗумлириға қарши пәләстин хәлқиниң өзини мудапиә қилиш һоқуқи барлиқини ейтти.
түркийә авази радйоси хәвири: пәләстин рәсмий хәвәр агентлиқи <WAFA> ниң хәвәр қилишичә, аббас һамасниң қораллиқ қанити изиддин әл қассам биригадисиниң қоршав астидики ғәззә районидин исраилийәгә қарши башлиған «ақса кәлкүни» һәрикитигә мунасивәтлик өзгиришләрни музакирилишиш үчүн йуқири дәриҗилик пуқрави вә һәрбий әмәлдарлар билән рамаллаһта бир йәргә җәм болған.
аббас йиғиндики нутуқида, пәләстин хәлқиниң қоғдилишиниң зөрүрлүкини тәкитләп, «пәләстин хәлқиниң ишғалийәтчи күчләр вә йәһудий көчмәнләрниң террорлуқтин өзини қоғдаш һоқуқи бар» деди.
пәләстин пирезиденти мәһмуд аббас: «исраилийә ишғалийити вә көчмән шайкилири садир қиливатқан җинайәтләргә қарши пәләстин хәлқиниң әвлатлирини чидамчанлиқ билән шундақла қаршилиқ билән тик туралишишға капаләтлик қилалиши үчүн керәклик болған пүтүн имканийәтләр билән тәминләш» буйруқи чүшүрди.
