ливийәдики кәлкүн вә боран - чапқунда 429 көчмән ишчи қаза қилди
ливийәниң шәрқидә йүз бәргән «данийал борини» вә у кәлтүрүп чиқарған кәлкүн апитидә 429 көчмән ишчиниң қаза қилғанлиқи, 500 ишчиниң йоқап кәткәнлики билдүрүлди.
түркийә авази радийоси хәвири: хәлқара көчмәнләр тәшкилатиниң тор бетидә елан қилинған байанатқа асасланғанда, 10- сентәбир ливийәниң шәрқий шималида йүз бәргән боран- чапқун вә кәлкүн апити тәхминән 42 миң 45 кишиниң өй- маканлиридин айрилип қелишини кәлтүрүп чиқарған, вәқәдин кейин, мәзкур кишиләрниң бир қисми өйлиригә қайтқан.
байанатта, 9- айниң 10- күнидин 24- күнигичә давамлашқан боранда 429 ишчиниң қаза қилғанлиқи, 500 көчмән ишчиниң йоқап кәткәнлики қәйт қилинди.
10- сентәбир күни ақдеңизда йүз берип, ливийәниң шәрқигә еғир талапәт йәткүзгән «данийал» намлиқ боран - чапқун, бинғази, бәйза, мәрҗ, сусә вә дәрнә шәһәрлиридә кәлкүн апәтлирини кәлтүрүп чиқарғаниди.
ливийә миллий бирлик һөкүмити баш министири абдулһәмид дибәйбә 11- сентәбир кәлкүн апити сәвәбидин дөләт миқйасида үч күнлүк матәм елан қилғаниди.
ливийә пирезидентлиқ кеңишиму қериндаш дөләтләр билән хәлқаралиқ тәшкилатларни кәлкүн апитидә талапәткә учриған районларға йардәм беришкә чақирғаниди.
бирләшкән дөләтләр тәшкилати инсанпәрвәрлик ишлирини маслаштуруш ишханиси тәрипидин 10-айниң 2-күни елан қилинған доклатта билдүрүлүшичә, ливийәдики кәлкүн апити сәвәбидин 4 миң 255 киши һайатидин айрилған, 250 миң киши талапәткә учриған, 40 миң киши өй – маканлиридин айрилип қалған.
