ۋولكەر تۈرك قۇرئان كەرىمگە قىلىنغان ھۆرمەتسىزلىكلەرگە نارازىلىق بىلدۈردى

تۈركىيە ئاۋازى رادىيوسى خەۋىرى: ب د ت كىشىلىك ھوقۇق ئالىي كومىسارى ۋولكەر تۈرك، ب د ت كىشىلىك ھوقۇق كېڭىشىنىڭ 54- قېتىملىق يىغىنى دائىرىسىدە ئۆتكۈزۈلگەن «كەمسىتىش، دۈشمەنلىك ياكى زوراۋانلىقنى كەلتۈرۈپ چىقىرىدىغان دىنىي ئۆچمەنلىكنىڭ تۈپ سەۋەبى ۋە ئۇنىڭ كىشىلىك ھوقۇققا كۆرسىتىدىغان تەسىرى» تېمىلىق سۆھبەت يىغىنىدا سۆز قىلدى.

كىشىلىك ھوقۇق كېڭىشىنىڭ 7- ئايدا قۇرئان كەرىمگە قىلىنغان ھۇجۇملار ھەققىدە مەخسۇس جىددىي يىغىن چاقىرغانلىقىنى ئەسكەرتكەن كومىسسار ۋولكەر تۈرك، شۇنىڭدىن كېيىن، بەزى دۆلەتلەردە قۇرئان كەرىمنى ئاممىغا ئوچۇق جايلاردا كۆيدۈرۈش قىلمىشلىرىنىڭ داۋاملاشقانلىقىنى قەيت قىلدى.

ب د ت كىشىلىك ھوقۇق ئالىي كومىسسارى تۈرك: «مەن قۇرئان كەرىمگە قىلىنغان ھۆرمەتسىزلىك قىلىش، ئۇنى كۆيدۈرۈش قىلمىشلىرىنى، بولۇپمۇ زوراۋانلىق ۋە بۆلۈنۈشكە ئېلىپ بارىدىغان قۇتراتقۇلۇق قىلمىشلىرىنى قەتئىي رەت قىلىمەن» دېگەنلەرنى سۆزلىرىگە ئىلاۋە قىلدى.