б д т кишилик һоқуқ кеңиши йиғинида «пәләстин мәсилиси» музакирә қилинди
бирләшкән дөләтләр тәшкилати кишилик һоқуқ кеңишидә пәләстиндики кишилик һоқуқ вәзийити тоғрилиқ йиғин чақирилди.
түркийә авази радийоси хәвири: йиғинға қатнашқан пәләстин даирилири исраилийәниң 1967-йилдин буйанқи ишғалийәт сийасити вә хәлқара қанунға хилап шәкилдики кишилик һоқуқ дәпсәндичиликлири һәққидә доклат сунди.
пәләстин даирилириниң доклатида, бу йил 248 кишиниң исраилийәликләр тәрипидин өлтүрүлгәнлики, журналистлар вә сақлиқни сақлаш хадимлириниң һуҗум нишани қилинғанлиқи, шундақла исраилийә даирилири тәрипидин көп санда тутуш буйруқи чиқирилғанлиқи оттуриға қойулди.
исраилийә тәрәп қатнашмиған йиғинда, исраилийә ишғалийитиниң ахирлишиши үчүн, хәлқара җәмийәт тарихий вә қануний мәсулийәтни үстигә елишқа чақириқ қилинди.
пәләстин қуддус ишлири министирлиқиму хәлқара җәмийәтни исраилийәниң мәсҗиди әқсаға қарита иғвагәрчиликигә хатимә бериш үчүн, әсәбий йәһудий көчмәнләрниң мәсҗиди әқсаға бесип кириш һәрикәтлирини тохтитиш үчүн, дәрһал һәрикәткә өтүшкә чақирди.
