италийәдә бир йолучилар аптобуси көврүктин чүшүп кәтти
италийәниң местре шәһири әтрапида бир йолучи аптобусиниң көврүктин чүшүп кетиши нәтиҗисидә 21 киши җенидин айрилди.
2046036
түркийә авази радийоси хәвири: италийә таратқулиридики хәвәрләрдә қәйт қилинишичә, местре шәһиридин маргераға қарап кетиватқан бир йолучилар аптобуси намәлум сәвәбләр түпәйлидин егизлики тәхминән 15 метир келидиған көврүктин чүшүп кәткән.
венедик валий мәһкимисиниң байанатида қәйт қилинишичә, вәқәдә дәсләпки мәлуматларға көрә 21 киши җенидин айрилған, 12 киши йариланған вә 5-4 кишиниң из-дерики болмиған.
әскәртилишичә, җенидин айрилғанларниң көпинчиси чәт әлликләр болуп, вәқә йүз бәргән җайда украина паспортлири тепилған.
италийә пирезиденти сергийо маттарелла венедик шәһәр башлиқи бругнароға телефон қилип, вәқәгә мунасивәтлик мәлумат алғанлиқи билдүрүлди.
