мексикада черкавниң өгзиси өрүлүп чүшүп нурғун адәм өлди
мексикада бир черкавниң өгзиси өрүлүп чүшүп, тоққуз адәм қаза қилди, 50 адәм йариланди.
2044956
түркийә авази радийоси хәвири: мексика таратқулириниң хәвиригә қариғанда, чиудад мадеро районидики санта круз черкавиниң өгзиси өрүлүп чүшүп, тоққуз адәм қаза қилған, 50 адәм йариланған, йаридарлар дохтурханиға орунлаштурулған.
деңиз бойиға җайлашқан тамаулипас өлкилик сақчи идарисиниң билдүрүшичә, вәқә йүз бәргән вақитта черкавда тәхминән 100 киши бар болуп, вәқәдә үч балини өз ичигә алған тоққуз адәм қаза қилған, 50 адәм йариланған, харабилик астида қалған тәхминән 30 адәмни издәш – қутқузуш паалийәтлири давамлашмақта икән.
