пакистан билән өзбекистан һәмкарлиқини күчәйтишни қарар қилди

түркийә авази радийоси хәвири: пакистан радиосиниң хәвәр қилишичә, пакистан мувәққәт һөкүмити баш министири әнварулһәқ какар 78- нөвәтлик б д т омумий кеңиши йиғиниға иштирак қилиш барған америка қошма иштатлириниң нйуйорк шәһиридә өзбекситан пирезиденти шәвкәт мирзийайев билән көрүшүп, пакистан билән өзбекситанниң сийасәт, сода, иқтисад, бихәтәрлик, мудапиә вә қатнаш линийәлири қатарлиқ саһәләрдики икки тәрәплик һәмкарлиқини чоңқурлаштуруш тоғрисида пикир алмаштурған һәмдә район иқтисадиниң бир гәвдилишишини илгири сүрүш ирадисини қайта тәкитләп, районлар ара алақини күчәйтиш йолида рол ойнашни қарар қилған.

какар пакистан билән өзбекистан оттурисидики йеқинқи йиллардин буйан күнсери күчийиватқан икки тәрәплик һәмкарлиқтин мәмнун икәнликини билдүргән вә буни давамлаштуруш керәкликини тәкитлигән.

икки дөләт имзалиған содида етибар қилиш келишими вә өткүнчи сода келишиминиң йолға қойулушиниң содини вә бесип өтүш салмиқини ашуридиғанлиқини билдүргән какар, исламабадниң афғанистанни бесип өтидиған төмүр йол түрини вақтида тамамлаш ирадисини қайта тилға елип өткән.

у йәнә, район характерлик қатнаш түгүни, сода вә иқтисадни бир гәвдиләштүрүш қатарлиқларниң афғанистанни муқимлаштуруш ролиға игә икәнликини оттуриға қойған.

ахирида, икки рәһбәр район бихәтәрлики вә муқимлиқиға мунасивәтлик мәсилиләр тоғрисида пикир алмаштурған.