шивийетсарийәдә шиддәтлик һөл - йеғин тағ сийрилип чүшүш хәвпини еғирлаштурувәтти
шивийетсарийәниң тичино вә униң әтрапидики районлиридики шиддәтлик һөл - йеғин тағ сийрилип чүшүш хәвпи пәйда қилди.
түркийә авази радийоси хәвири: шиддәтлик һөл - йеғинниң тәсиригә учриған тичинониң шималида тағ сийрилип чүшүш хәвпи давам қиливатқан болуп, йеқинқи 72 саәт ичидә мәзкур районда һәр кивадрат метирға 280 миллиметирдин артуқ йамғур йағди.
малваглийа йезисида мәйданға кәлгән тағ сийрилип чүшүш вәқәси сәвәбидин бир йолға қатнаш васитилириниң киришигә рухсәт қилинмиди.
биаска, локарно вә валмаггийа районлириму қаттиқ боранниң тәсиригә учриди؛ районда вәзипә өтәватқан тәхминән 50 нәпәр от өчүргүчи, тағ сийрилип чүшүш хәвпигә қарши хизмәтлирини давамлаштурмақта.
граубунден вә гларус қатарлиқ җайлардиму шиддәтлик һөл - йеғинниң давам қиливатқан болғачқа, тағ сийрилип чүшүш хәвпиниң күнсери күчийиватқанлиқи билдүрүлди.
бүгүн кәчкичә районда боран вә йамғурниң давамлишиши мөлчәрләнмәктә.
