Yandex ниң қурғучиси украина урушиға қарши икәнликини билдүрди
рус интернет ширкити Yandex ниң қурғучиси аркадий волоҗ украина урушиға қарши икәнликини билдүрди.
2023158
түркийә авази радийоси хәвири: волоҗ русийә ахбарат органлириға әвәткән байанатида өзиниң «бәзи сәвәбләр түпәйлидин» һазирғичә сүкүт қилғанлиқини қәйт қилди.
волоҗ байанатини һазир елан қилғанлиқи үчүн тәнқид қилишқа болидиғанлиқини, әмма мәзмуниниң муһимлиқини тәкитләп мундақ деди: «мән бу урушқа қарши туримән, шуңа мәйданимни һәммигә билдүрмәкчимән.»
у украинада уруқ - туғқанлири вә достлириниң йашайдиғанлиқини байан қилип мундақ деди: «гәрчә мән 2014-йилдин башлап русийәдә йашаватқан болсамму, әмма русийәниң һәрбий һәрикәтлиридә мениңму һәссәм бар дәп қараймән.»
йавропа иттипақи тәрипидин ембарго йүргүзүлүватқан волоҗ 2022-йили 12-айда Yandex тин айрилғанлиқини уқтурғаниди.