еквадорда пирезидент намзати етип өлтүрүлди
еквадорда 20-авғуст өткүзүлмәкчи болған сайламдин илгири «чирикликкә қарши туруш» билән тонулған пирезидентлиқ намзати фернандо виллавиченсийо қораллиқ һуҗумға учрап җенидин айрилди.
түркийә авази радийоси хәвири: еквадорда пирезиднет намзати виллавиченсийо пайтәхт китода қатнашқан бир паалийәтни ахирлаштурғандин кейин аптомобилиға олтурувеливатқанда, бешиға үч пай оқ тегип җенидин айрилди.
еквадорниң баш тәптиши һуҗумчиниң бихәтәрлик қисимлири билән етишишта етип өлтүрүлгәнликини؛ етишишта бир парламент әзаси намзати вә икки сақчини өз ичигә алған тоққуз кишиниң йариланғанлиқини билдүрди.
еквадор пирезиденти гилермо лассо виллавиченсийониң өлтүрүлгәнликини дәлилләп, пирезидентлиқ сайлимиға икки һәптә қалғанда садир қилинған бу қатиллиқниң арқисида «тәшкиллик җинайәт» ниң барлиқини илгири сүрди.
лассо мундақ деди: «мән силәргә кепиллик беримәнки, бу җинайәт җазаландурулиду. тәшкиллик җинайәт гуруппилири һәддидин ешип кәтти, әмма улар қанунниң қаттиқлиқини һес қилиду» деди.
еквадор сақчилириниң һәрикәтлиридә вәқәгә четишлиқ дәп қаралған алтә кишиниң қолға елинғанлиқи билдүрүлди.
