әнглийә - түркийә оттурисида келишим имзаланди
әнглийә йавропаға қанунсиз көчүшни астилитиш тоғрисида түркийә билән келишим имзалиди.
түркийә авази радийоси хәвири: әнглийә билән түркийә оттурисида түзүлгән келишимгә асасән, түркийә вә әнглийә сақчи қисимлири адәм әткәсчилики шайкилири вә кемә содисиға қарши кәң көләмлик бирләшмә һәрикәт елип бариду.
келәр йили (2024) әнглийәдә өткүзүлидиған омумий сайламдин илгири қанунсиз көчмәнләр күнтәртиптин орун еливатқан бир пәйттә, әнглийә һөкүмити бу келишимниң икки дөләтниң сақчи қисимлири оттурисидики һәмкарлиқни күчәйтидиғанлиқини уқтурди.
әнглийә һөкүмити тәрипидин елан қилинған байанатта, һәр икки тәрәпниң йеңи келишим лайиһәси сайисида таможна санлиқ мәлуматлириға техиму тез еришәләйдиғанлиқи қәйт қилинди.
әнглийә ички ишлар вәзири суелла браверман бу һәқтә елан қилған байанатида мундақ деди: «йеқин достимиз вә иттипақдишимиз түркийә билән болған һәмкарлиқимиз сақчи қисимлиримизниң бу хәлқаралиқ мәсилидә техиму қойуқ һәмкарлишишиға пурсәт йаритип бериду.»
әнглийә баш вәзири риши сунак рай синаш нәтиҗисигә қариғанда зор пәрқ билән алдинқи орунда туруватқан ишчилар партийәси билән болған пәрқни азайтиш үчүн, чеградин кириватқан қанунсиз көчмәнләрниң санини азайтишқа вәдә бәргәниди.
