ливанда пәләстинлик панаһланғучилар оттурисидики тоқунушта қаза қилғанларниң сани 12 гә йәтти
ливандики әң чоң пәләстинлик панаһланғучилар лагери айн әл халвада пәләстинликләрниң өзара уруши тохтитилғандин кейин йүз бәргән гуруппилар ара тоқунушта, йәнә бир кишиниң қаза қилғанлиқи билдүрүлди.
2019722
түркийә авази радийоси хәвири: ливан рәсмий хәвәр агентлиқи <NNA> ниң хәвиригә асасланғанда, мусапирлар лагердики тоқунуш нәтиҗисидә, фәтих һәрикити әзаси бир киши қаза қилип, икки киши йариланған.
шәнбә күни (29-ийул) кәчтин буйан пәләстинлик панаһланғучилар оттурисидики тоқунушта қаза қилғанларниң сани 12 гә йетип, йариланғанларниң сани 60 дин ешип кәтти.
ливанниң җәнубидики сәйда шәһиригә җайлашқан 60 миң кишилик пәләстинлик панаһланғучилар лагерида, еғир қораллар вә минамйотлар билән тоқунуш йүз бәргән иди.
ливан тәрәпниң мурәссә қилиши билән 31- ийулда лагердики пәләстинлик гуруппилар оттурисидики урушниң тохтитилғанлиқи елан қилинған иди.
