хейлоңҗйаңда бир мәктәпниң өгзиси өрүлүп чүшти
хитайниң хейлоңҗйаң өлкисидә бир мәктәпниң тәнтәрбийә залиниң өгзисиниң өрүлүп чүшүши нәтиҗисидә, 11 киши җенидин айрилди.
түркийә авази радийоси хәвири: шинхуа агентлиқиниң хәвиридә билдүрүлишичә, хейлоңҗйаң өлкисидә бир мәктәпниң тәнтәрбийә залиниң өгзиси йәкшәнбә күни (23-ийул) кәчтә өрүлүп чүшкән. дәл шу вақитта залда 19 киши бар болуп, булардин төт нәпири харабилик астидин қутулуп чиққан, қалған 15 киши харабилик астида қалған.
мәсул даириләр, харабилик астида қалған 11кишиниң җәситиниң чиқирилғанлиқини, төт кишиниң йариланған һалда қутқузувелинғанлиқини уқтурған.
дәсләпки тәкшүрүшләрдә, тәнтәрбийә залиниң қурулуши мәзгилидә өгзигә қанунға хилап һалда перлт маддисиниң қоллинилғанлиқиниң оттуриға чиққанлиқи қәйт қилинди.
әскәртилишичә, перлит маддиси нәм тартидиған болуп, йамғур йағқанда еғирлиқи ешип өгзиниң өрүлүп чүшүшигә сәвәб болған.
тәкшүрүш даирисидә, қурулушта хизмәт қилған мунасивәтлик кишиләр қолға елинди.
