исраилийә мәсҗиди әқсаниң имамиға чәклимә қойди
исраилийә мәсҗиди әқсаниң имами вә хатипи шәйх икримә сабриға униң «чәт әл сайаһитиниң исраилийәниң бихәтәрликигә тәһдит елип кәлгәнликини» илгири сүрүп алтә айлиқ сайаһәт чәклимиси қойди.
түркийә авази радийоси хәвири: икримә сабриниң қанун ишлири ишханиси тәрипидин елан қилинған байанатта, исраилийә истихбарат оргинидин бир әтрәтниң әтигән тәрәпләрдә сабриниң өйигә бесип кирип, сабриға, униң «чәт әл сайаһитиниң исраилийәниң бихәтәрликигә тәһдит елип кәлгәнликини» илгири сүрүп алтә айлиқ сайаһәт чәклимиси қойулғанлиқини уқтурғанлиқи әскәртилди.
исраилийә даирилири бу һәқтә һечқандақ байанат елан қилмиди.
исраилийә истихбарат оргинидин бир әтрәт алдинқи айдиму мәсҗиди әқсаниң имами вә хатипи шәйх икримә сабриниң өйигә бесип кирип, униң «чәт әлгә қилған сәпәрлиридә исраилийәгә қарши зийанлиқ ишларни қилиш» билән әйиблинип, униңға бир айлиқ сайаһәт чәклимиси қойулғанлиқини, бу чәклимә муддитиниң узартилиш еһтималлиқиниң барлиқини йәткүзгәниди.
исраилийә дөләт хәвпсизлик күчлири илгириму шәйх сабриниң өйигә көп қетим бесип киргән, һәмдә униңға мәсҗиди әқсаға йеқинлашмаслиқ җазаси бәргәниди.
