байдин: украина натоға әза болуши үчүн уруш ахирлишиши керәк

түркийә авази радийоси хәвири: америка пирезиденти җо байдин с н н телевизийәсиниң зийаритини қобул қилип, литванийәдә 11-12-ийул күнлири өткүзүлидиған нато башлиқлар йиғинидин илгири украинаниң натоға әза болуш үчүн сунған илтимаси үстидә тохталди.

у: «һазирниң өзидә, украинани нато аилисигә қошуш үчүн әза дөләтләр арисида урушниң оттурисида пикир бирлики бар дәп ойлимаймән» деди.

у украина-русийә уруши давамлишиватқанда украина натоға әза болса, бу натониң урушқа қатнишиши болидиғанлиқини әскәртип: «биз (нато) русийә билән уруш қилмайватимиз» деди.

у украинаниң натоға әза болуши үчүн демократийәлишишкә охшаш шәртләрни орунлиши керәкликини, украинаниң натоға әза болушини музакирә қилиш үчүн урушниң ахирлишиши керәкликини тәкитлиди.

у шиветсийәниң натоға әза болуши үстидиму тохталди вә әң қисқа вақит ичидә натоға әза болидиғанлиқини әскәртти.

у түркийә билән гиретсийәниң «F-16» айропиланларни заманивийлаштуруш тәлипи үстидә тохталғанда: «түркийә <F-16> ларни заманивийлаштурушни халайду. гиретсийә баш министири кирйакос мичотакисму йардәм тәләп қиливатиду. мән ениқ ейтсам, түркийә билән гиретсийәни һәрбий иқтидар җәһәттин күчәйткән вә шиветсийә натоға қобул қилинған иттипақ шәкилләндүрүшкә тиришиватимән. бу җәрйан техи ахирлашмиди» деди.