мексикада шәһәр башлиқи тимсаһ билән той қилди

түркийә авази радийоси хәвири: мексиканиң сан педро хуамелула шәһәр башлиқи виктор хуго соса гарсийаниң темсаһ билән қилған той мурасими, музика вә уссуллар билән биллә байрам кәйпийатида өткүзүлди. шәһәр хәлқиму зор қизиқиш көрсәтти.

<алиҗийа адриана> дәп исим қойулған ​​вә той көйники кийдүрүлгән тимсаһ, бихәтәрлик йүзисидин еғизи бағланған һалда сан педро хуамелула кочилирида айландурулди.

шәһәр аһалилири билән болушиға уссул ойнитилған тимсаһ, ахири шәһәрлик һөкүмәт бинасиға елип келинди вә шәһәрниң даңлиқ диний рәһбәрлири шәһәрлик һөкүмәт бинасида тимсаһ билән шәһәр башлиқи гарсийаниң никаһини оқуди.

шәһәр башлиқи гарсийа никаһ җәрйанида тимсаһ келинни никаһиға алған йаки алмиғанлиқи соралғанда, «мән мәсулийәтни қобул қилимән, чүнки биз бир-биримизни йахши көримиз, бу әң муһим. муһәббәт болмиса, никаһ болмайду. биз бир-биримизни йахши көримиз, мән бу мәликә қиз билән той қилишни қобул қилимән» дәп җаваб бәрди.

сан педро хуамелула шәһиридә 1789-йилдин буйан давам қилип келиватқан бу әнәнә, әйни чағда бир - биригә дүшмән болған икки қәбилиниң йаришишиға символ қилиниду.

һәр йили өткүзүлидиған бу  символ характерлик той мурасими, шәһәр хәлқигә молчилиқ, тинчлиқ вә инақлиқ елип келиду, дәп қарилиду.