хитай җәһәннәмниң иссиқиға дуч кәлди

түркийә авази радийоси хәвири: с н н (CNN)  қанилиниң хәвиридә, йеқинқи алтә ай ичидә хитайда һава температурасиниң иитайин йуқири болғанлиқи билдүрүлди.

хитай дөләтлик килимат мәркизиниң байанатида билдүришичә, бу йил (2023) хитай алдинқи йил (2022) ға селиштурғанда техиму күчлүк төт иссиқ һава долқуниға дучар кәлгән.

температура оттура һесаб билән 35 селсийә гирадусқа чиқип, 1961-йилдин буйанқи әң қаттиқ иссиқ йүз бәргән.  

хитайниң шималида бәзи күнләрдә һава температураси 40 гирадустин ешип кәткән вә 200 милйондин артуқ киши еғир тәсиргә учриған.

хитай метерологийә идарисиниң башлиқи җо биң қаттиқ иссиқниң ел нино һаварайи һадисиси билән мунасивәтлик икәнликини, шуңа йазда хитайниң җәнубида һөл-йеғин көпийип, шималда болса қурғақчилиқ йүз бәргәнликини ейтти.

хитайниң шималида температураниң техиму өрләйдиғаниқи мөлчәрләнмәктә.

хитайниң ғәрбий җәнубида болса, «йеқинқи 50 йилдин буйанқи әң еғир кәлкүн апити» дәп тәрипләнгән апәт сәвәбидин 10 миңдин артуқ киши өй-маканлиридин айрилип қалди.

кәлкүн апитидә тәхминән 70 туралғу өрүлүп чүшти. дәсләпки мөлчәрләргә асасланғанда, хитайға аз дегәндә 79 милйон доллар зийан болған.

хитай кәлкүн апитидә һазирға қәдәр адәм өлүш һадисиси күрүлмигәнликини илгири сүрмәктә.