русийә қара деңиз ашлиқ келишимисизму русийәниң ашлиқ експортиниң давамлишидиғанлиқини билдүрди
русийә ташқи ишлар министири сергей лавров қара деңиз ашлиқ келишими бикар болуп кәткән тәқдирдиму, русийәниң деһқанчилиқ мәһсулатлири експортиниң давамлишидиғанлиқини ейтти.
түркийә авази радийоси хәвири: русийә ташқи ишлар министири сергей лавров син көрүнүшлүк мухбирларни күтүвелиш йиғинидики сөзидә, қара деңиз ашлиқ келишими бикар болуп кәткән тәқдирдиму, русийәниң деһқанчилиқ мәһсулатлири експортиниң зийанға учримайдиғанлиқиға ишарәт қилип: «һәр қандақ әһвалда, бизниң оғут вә ашлиқ експортимиз давамлишиду. мән шериклиримизниң зийанға учримайдиғанлиқиға ишинимән» деди.
министир лавров ашлиқ келишиминиң украинаниң ашлиқ експортиға мунасивәтлик қисминиң сода характеригә игә болғанлиқини әскәртип: «ашлиқниң %2.5 тин бир аз көпрәкиниң әң намрат дөләтләргә експорт қилинғанлиқини, келишим бикар қилинған әһвал астида, русийәниң чиқимлирини өз үстигә алған һалда, әң намрат дөләтләрни мушуниңға охшаш йаки техиму көп миқдарда ашлиқ билән һәқсиз тәминләшкә капаләтлик қилидиғанлиқи»ни ейтти.
