хитай: вагнер исйани русийәниң ички иши
хитай һөкүмити пригоҗин башчилиқидики йалланма әскәрләр ширкити вагнерниң русийә һөкүмитигә қарши қозғиған исйани нәтиҗисидә оттуриға чиққан киризисниң, русийәниң «ички иши» икәнликини билдүрди.
түркийә авази радийоси хәвири: хитай ташқи ишлар министирлиқи русийә йалланма әскәрләр ширкити вагнерниң исйани тоғрисида байанат елан қилди.
байанатта, «бу русийәниң ички иши. хитай русийәниң достанә қошниси вә йеңи дәврдә кәң даирилик истратегийәлик кординатсийә шерики болуш сүпитидә ички муқимлиқиниң изчиллиқини, тәрәққийатини вә параванлиққа еришишини қоллайду» дейилди.
куба рәиси мигуел дийаз канел твиттерда һәмбәһрлигән учурида, русийәниң бирлики вә асасий қанунға тайанған тәртипниң ғалип келидиғанлиқиға ишинидиғанлиқини әскәртип: «русийәдики қораллиқ исйан вә ивагәрчиликләр қаршисида, һөрмәткә сазавәр пирезидент путинға вә қериндаш рус хәлқигә, куба хәлқи һәмдә һөкүмитиниң һәмкарлиқ позитсийәни билдүримән» деди.
у вагнер ширкитиниң исйани йүз берип узун өтмәй русийә пирезиденти путинға телефон қилип, өзара һәмкарлиқни тәкитлигән иди.
русийә йалланма әскәрләр ширкити вагнерниң қурғучиси пригоҗин дөләт армийәсиниң вагнерға һуҗум қилғанлиқини әйибләп, буниңға җаваб қайтуридиғанлиқлири тоғрисида тәһдит салған иди. аридин узун өтмәй вагнер җәңчилири украина земинидин чекинип, чеградики ростов райониға бесип киргән иди.
пригоҗин кейинчә алдинқи сәпләргә қайтидиғанлиқлирини елан қилған иди.
русийә кремил сарийи байанатчиси дмитрий песков пригоҗин үстидин ечилған дәва делолириниң йепилидиғанлиқини, исйанчилар башламчилириниң беларусийәгә кетидиғанлиқини уқтурған иди.
