гиретсийәдә ғәрқ болуп кәткән көчмән кемиси қазасида һайатидин айрилғанлар сани көпәйди
өткән һәптә гиретсийә деңиз тәвәлкидә йүз бәргән көчмән кемиси қазасида һайатидин айрилғанлар сани 82 гә йәтти.
түркийә авази радийоси хәвири: гиретсийәниң дөләт игиликидики хәвәр агентлиқи — амна, гиретсийә деңиз қирғиқи мудапиәси хадимлиринң наваринниң 47 деңиз мили ғәрбий җәнубидин йәнә бир кишиниң җәситини тепип, теббий тәкшүрүштин өткүзүш үчүн каламатаға елип берилғанлиқини, шуниң билән көчмән кемиси қазасида һайатидин айрилғанлар омумий саниниң 82 гә йәткәнликини хәвәр қилди.
гиретсийә деңиз қирғиқи муһапизәт әтритиниң байанатида, көчмән кемиси қазасидин кейинки издәш - қутқузуш хизмитиниң давамлишиватқанлиқи, түнүгүн (20-ийун) тепилған үч кишиниң җәсити қошулуп, қаза қилғанлар омумий саниниң 81 гә йәткәнлики қәйт қилинди.
тәртипсиз көчмәнләр олтурған кемә ғәрқ болуп кәткәндин кейин, қанунсиз көчмән әткәсчилики билән шуғуллиниш билән әйиблинип назарәт астиға елинған тоққуз мисирлиқни сорақ қилиш ишлири ахирлашти؛ гумандарлар өзлириниң бигунаһ икәнликини илгири сүрди.
назарәт астиға елинғанлардин бири башқа төт гумандарниң қанунсиз көчмән әткәсчиси икәнликини паш қилди.
14 – ийун (2023) гиретсийәниң мора йерим арилиниң наварино райониға 47 деңиз мили йирақлиқидики хәлқара деңиз тәвәликидә, тәртипсиз көчмәнләрни елип маңған бир белиқчи кемиси ғәрқ болуп кәткән болуп, 81 адәмниң җәсити тепилған, 104 адәм қутқузувелинип, каламата портиға елип берилғаниди.
иҗтимаий күчләр башқурушидики «аларм фун (сигнал телефони)» оргининиң билдүрүшичә, қазаға йолуққан кемидә тәхминән 700 адәм бар икән.
