гутеррес исраилийәни пәләстин земинлириға олтурақ райони қуруш пиланидин ваз кечишкә чақирди

түркийә авази радийоси хәвири: б д т байанат ишлири ишханиси бу һәқтә йазма байанат елан қилип, гутерресниң исраилийәниң ишғалийәт астидики ғәрбий қирғақ (ийордан дәрйасиниң ғәрбий қирғиқи) қа 4000 дин артуқ йеңи олтурақлишиш райони тәсис қилиш пиланидин «қаттиқ әндишә вә биарамлиқ һес қиливатқанлиқи» ни оттуриға қойди вә бу пиланниң исраилийәниң олтурақлишиш районлирини тәсис қилиш паалийәтлириниң сүритини тезлитидиғанлиқини билдүрди.

байанатта көрситилишичә, олтурақлишиш райони пиланлириниң хәлқара қанунға очуқ - ашкара хилап икәнликини тәкитлигән гутеррес, бу хил пиланларниң икки дөләтлик адил вә сиҗил тинчлиқ орнитиш үчүнму тосалғу пәйда қилидиғанлиқини әскәрткән.

у қанунсиз олтурақ районларни кеңәйтишниң җиддийчилик вә зораванлиқни кәлтүрүп чиқириватқанлиқини, шуниң билән бир вақитта, исраилийәниң ишғалийитини мустәһкәмләп, пәләстин хәлқиниң тәбиий байлиқлириниң тартивеливатқанлиқини тәкитлигән.

әскәртилишичә, баш катип гутеррес «исраилийә» һөкүмитини ишғал қиливелинған пәләстин земинлиридики барлиқ олтурақлишиш райони тәсис қилиш паалийәтлирини дәрһал тохтитип, мунасивәтлик қарарлирини қайтурувелишқа чақирған вә униңдин қануний мәҗбурийәтлирини ада қилишини тәләп қилған.

ишғалийәт астидики пәләстин земинлирида қанунсиз олтурақ районлирини тәсис қилишни давамлаштуруватқан исраилийә һөкүмити, нөвәттә йәнә зор көләмлик йеңи бир йәһудий олтурақ райони қурушни пиланлимақта.

пәләстинликләр билән «тинчлиқ дәрһал (орнитилсун)» һәрикитигә охшаш, исраилийәдики солчил еқим тәшкилатларму бу пиланға қарши чиқмақта.

пәләстин һөкүмити билән йавропа иттипақиму исраилийәниң бу һәрикитиниң пәләстин – исраилийә мәсилсиини икки дөләтлик һәл қилиш пурситидин мәһрум қилип қойидиғанлиқини тәкитлимәктә.