нусрәт җаһан америкадики тунҗи мусулман айал сотчи болди
америка қошма иштатлириниң нийу йорк районлуқ федератсийә сот мәһкимисигә тәйинләнгән баңладишлиқ қануншунас нусрәт җаһан чодхури, «тунҗи мусулман айал федератсийә сотчиси» болуп қалди.
2000787
түркийә авази радийоси хәвири: америка кеңәш палатаси пирезидент җо байдин тәрипидин намзат көрситилгән әсли баңладишлиқ америка пуқраси чодхуриниң нийу йорк шәрқий район федератсийә сот мәһкимисиниң сотчилиқиға тәйинлинишини тәстиқлиди.
америка мәтбуатлиридики хәвәрләргә қариғанда, чодхури америкадики «тунҗи мусулман айал федератсийә сотчиси» һесаблинидикән.
демократчилар партийәсиниң кеңәш палата әзалиридин пәқәт җов манчинла чодхуриға қарши беләт ташлиған.
байдин 1- айда коломбийә унверсититини пүттүргән 47 йашлиқ чодхурини намзатлиққа көрсәткәниди.
америкада федератсийә сотчилири һоқуқидин елип ташланмисила өмүр бойи хизмәт қилиду.
