нийу йорк асминидики ис-түтәк килимат киризисиниң символи
канададики орман от апитидин пәйда болған ис-түтәкләрниң американиң нийу йорк вә башқа шәһәрлиригичә тарқилиши, килимат киризисиниң символи икәнлики оттуриға қойулди.
түркийә авази радийоси хәвири: б д т байанатчиси стефан дуҗарик күндилик мухбирларни күтүвелиш йиғинида, канададики орман от апитиниң инсанлар кәлтүрүп чиқарған килимат киризиси билән мунасивити бар-йоқлуқи тоғрисида һечқандақ чүшәнчә берилмигәнликини билдүрди.
у, йәнә бир тәрәптин, һава булғинишиниң адәттә кишиләрниң паалийити билән мунасивәтлик икәнликини ейтти.
у канададики от апитиниң килимат мутәхәссислири вә алимларниң температураниң өрлиши тоғрисидики агаһландуруши биләнму мунасивәтлик икәнликини әскәртип: «нийу йорк асминини ис-түтәк қаплиши вә дунйаниң нурғун җайлиридики начар һава райи, килимат киризисиниң символи» деди.
у б д т баш катипи антонийо гутерресниң ташқа айланған йеқилғу ишлитишни азайтишни изчил тәкитләп кәлгәнликини әскәртип, дунйаниң пайтәхти болған нийу йоркта бундақ әһвалға шаһит болушниң, кишиләрни һәрикәткә кәлтүрүшикә сәвәб болушини үмид қилидиғанлиқини тилға алди.
б д т баш катипи гуреррес твиттерда учур һәмбәрләп: «нийу йорктики мәркизимиздә канададики от апити сәвәбидин начар һава райиниң тәсирини һес қиливатимиз. йәр шари иссип кетиватқан бир вақитта, орман от апитини азайтиш интайин муһим әһмийәткә игә. шуңа биз чоқум тәбиәт билән йаришишимиз керәк , ваз кечәлмәймиз» деди.
