еммануел макрон фирансийәдә черкавларға ианә сәпәрвәрлики башлиди

түркийә авази радйоси хәвири: фирансийә елисе сарийиниң байанатиға асасланғанда, пирезидент макрон түнүгүн (6-ийун) норманди деңиз қирғиқидики б д т маарип, илим-пән вә мәдәнийәт тәшкилатиниң дунйа мәдәнийәт мираслири тизимликигә киргүзүлгән монт сайнт мишел черкави йасалғанлиқиниң 1000 – йиллиқи мунасивити билән өткүзүлгән тәбрикләш паалийитигә қатнашқан.

макрон дөләт ичидики мәдәнийәт қурулушлирини қоғдаш үчүн кәң көләмлик йардәм сәпәрәврлики башлашқа пәрман чүшүргән.

фирансийәдә 50 миңға йеқин ибадәтханидин 10 миң 500 и фирансийә мәдәнийәт министирлиқиниң йардими билән қоғдиливатқан болуп, елисе сарийи болупму нопуси аз районлардики черкавларниң мәвҗутлуқини сақлап қелиш үчүн кәң көләмлик йардәм сәпәрвәрликини башлиди.

йиғилған ианиләрниң 2019-йили апрелда көйүп кәткән вә әслигә кәлтүрүш хизмәтлири давамлишиватқан пайтәхт париждики тарихий әһмийәткә игә нотредам катедралиға ишлитилиши пиланланмақта.