хитай елон маскқа «биз содиға очуқ» дәп учур бәрди

түркийә авази радийоси хәвири: хитай ташқи ишлар министирлиқиниң байанатиға асасланғанда, чиң гаң пайтәхт бейҗиңда елон маск билән өткүзгән учришишида, хитайниң сиртқа ечиветиш сийаситидә давамлиқ чиң туридиғанлиқини вә бу даиридә  дунйаниң һәр қайси җайлиридин келидиған ширкәтләрниң мәбләғ селишиға очуқ икәнликини билдүрди.

министир чиң гаң хитайниң заманивилишиши вә тәрәққийатиниң мисли көрүлмигән тәрәққийат күчи йаритип, дунйаға йеңи пурсәт сунидиғанлиқини илгири сүрди.

чиң гаң елон маскниң игидарчилиқидики електронлуқ аптомобил ишләпчиқарғучи <тесла> ширкитини өз ичигә алған барлиқ ширкәтләрни базар қаидә - қанунлири асасида техиму йахши хәлқаралиқ сода муһити билән тәминләйдиғанлиқини тәкитлиди.

чиң гаң хитай – америка мунасивәтлирини аптомобил һәйдәшкә охшитип, «сағлам, муқим вә иҗабий мунасивәтләр үчүн ролни чоқум тоғра йөнилишкә бураш һәмдә тормузни вақтида бесиш арқилиқ һадисиләрниң алдини елишимиз керәк» деди.

елон маскму америка билән хитайниң мәнпәәтлириниң «сиам қошкезәклиригә охшаш» бир биригә четишлиқ вә бир-биридин айрилалмайдиған һаләттә икәнликини тәкитләп, иқтисадий вә сода мунасивәтлириниң үзүп ташлинишиға, зәнҗирләрниң кесилишигә қарши икәнликини ейтти.

<тесла> ниң хитайға салдииған мәблиғини кеңәйтишни халайдиғанлиқини билдүргән елон маск, тәрәққийат пурситидин техиму көп үлүшни қолға кәлтүрүшни халайдиғанлиқини тәкитлиди.

<тесла> ширкити шаңхәйдә йилиға 1 милйон електиронлуқ аптомобил ишләпчиқиралайдиған «гига завути» ни 450 миң қошумчә аптомобил ишләпчиқиралайдиған сәвийәдә кеңәйтишни нишан қилмақта вә шаңхәйдә «Megapack» дәп сим қойулған енергийә запаслаш үскинилирини ишләпчиқириш үчүн чоң типта бир вавут қурушни пиланлимақта.