америка вагнерниң малидики каттибешиға ембарго йүргүзүлидиғанлиқи елан қилди
америка русийәниң йалланма әскәр ширкити вагнерниң малидики рәһбиригә ембарго йүргүзүлидиғанлиқини елан қилди.
түркийә авази радийоси хәвири: америка министирлиқи русийәниң вагнер ширкитиниң малидики каттибешиға ембарго йүргүзүлидиғанлиқи тоғрисида байанат елан қилди.
байанатта, вагнер ширкитиниң малидики каттибеши иван масловға ембарго йүргүзүлүшкә, кремилниң украинадики русийә қисимлириға қорал йәткүзүш үчүн ғәрбий африқадики малидин пайдиланғанлиқиниң сәвәб қилип көрситилди.
байанатта, масловниң чәт әлдики қорал-йарағ тәминлигүчиләрдин украинадики русийә қисимлириға йәткүзүш үчүн мина, учқу вә һәр хил қорал-йарағ системилирини сетивелиш мәқситидә һәрикәт қиливатқанлиқи әскәртилди.
американиң һәр қандақ дөләтниң вагнер ширкити арқилиқ русийәгә йардәм қилишиға қарши туридиғанлиқини қәйт қилинған байанатта, «вагнер ширкити украинадики русийә қисимлири үчүн қорал-йарағ сетивелиш һәрикитини йошурушқа тиришиватиду, буниң ичидә малидики һәрикәтләрму бар» дейилди.
малиниң терроризмға қарши туруш вә истихбарат идарисиниң малийә ишлириға мәсул мәслиһәтчиси брайн е.нелсон (Brian E. Nelson): «ембарголар вагнерниң дунйадики һәрикәтлиригә йардәм қиливатқан муһим кишиләрни байқаш вә уларниң һәрикәтлирини тосуш мәнисигә игә» деди.
нелсон африқа қитәсидә вагнерниң мәвҗутлуқи райондики дөләтләр үчүн муқимсизлиқ икәнликини тәкитлиди.
