йавропа русийә мәркизий банкасиниң 200 милйард йавродин артуқ пулини тоңлатқан
йавропа иттипақи украина уруши сәвәбидин һазирға қәдәр русийә мәркизий банкасиниң 200 милйард йавродин артуқ мал-мүлкини тоңлатти.
түркийә авази радийоси хәвири: йавропа иттипақи комитетиниң байанатчиси кристийан виганд (Christian Wigand) белгийә пайтәхти бирйусселда өткүзүлгән күндилик ахбарат елан қилиш йиғинида, йавропаниң уруш сәвәбидин һазирғичә тоңлитилған русийә мәркизий банкасиниң мал-мүлүклири һәққидә байанат елан қилди.
у мундақ деди:
«йавропа иттипақиниң 10-қетимлиқ ембарго пилани даирисидә, әза дөләтләрдики органлар русийә мәркизий банкасиниң тоңлитилған мал-мүлүк вә пуллирини 12-май (2023) ғичә йавропа иттипақи комитетиға доклат қилиши керәк иди. йавропа иттипақи шу бойичә дөләтлири комитетқа русийә мәркизий банкасиниң 200 милйард йавродин артуқ мал-мүлүклирини тоңлатқанлиқини доклат қилди.»
у украинаға салған зийанни русийәгә төлитиштә қәтий икәнликлирини көрситип, бу мәсилидики хизмәтләрниң җиддий елип бериливатқанлиқини ейтти.
у русийәниң тоңлитилған мал-мүлүклирини украина үчүн ишлитиш тәдбирлиридин бириниң русийә мәркизий банкасиниң мал-мүлки икәнликини әскәртип, бу мүлүкләрниң өсүмини украина үчүн ишлитиш мумкинликини оттуриға қойди.
ғәрб дөләтлиридә русийә-украина уруши сәвәбидин русийә мәркизий банкасиниң 300 милйард доллардин артуқ пули тоңлитилди.
